Joana Otxoa de Alaiza piano-jotzailea da, ganbera-musikan eta ahots akonpainamenduan espezializatua.

Musikenen, Euskal Herriko Goi Mailako Musika Ikastegian ikasi zuen, Ricardo Requejorekin. Ganbera-musikako masterra egin zuen Berlingo Arte Ederren Unibertsitatean. Ildo horretan sakondu du, besteren artean, François Benda, Benedicte Palko eta Frank-Immo Zichnerrekin. Ahots akonpainamendua, berriz, Eric Schneider, Liana Vlad eta Maciej Pikulski maisuekin ikasi du, besteak beste.

Proiektu ugaritan parte hartu du pianista laguntzaile eta ganbara-musikako pianista gisa. Hainbat jaialdi eta aretotan aritu da; aipatzekoak dira Bernaola Festival (Gasteiz), Kamermuziek Festival Oudewater (Oudewater, Herbehereak), Donostia Kultura Zikloa, Gasteizko Ganbera Musika Zikloa, Kammermusiksaal Berliner Philarmonie (Berlin, Alemania), La Beneficencia aretoa (Valentzia, Herrialde Katalanak), Auditorio de León (León, Espainia), Humboldt Universität (Berlin, Alemania).

Egun, hainbat proiektutan murgilduta dabil. Besteak beste, Mikel Uskola kontratenorrarekin duoa osatzen du, eta Txori Kantazale proiektuko pianista da.